 |
| 2020年博萮選舉公報政見 |
咱 ê 宜蘭，過去因為出了tsìn濟有擔當 ê 政治人物，予世間人叫做是「民主聖地」。
但現主時，有一寡政治人物 ê 表現，已經嚴重破壞著咱身為宜蘭人 ê 光榮感，甚至予外地人笑講，咱宜蘭哪會選出這款人，予宜蘭人感覺tsìn見笑。
選舉，無應當只是開規大堆 ê 競選支票，啥人比啥人「免錢」較濟、「建設」較贏。
維護咱台灣 ê 主體性，比任何代誌閣較重要。
台灣這陣受著中國紅色勢力 ê 湠澹、假消息 ê 攪吵，害咱台灣 ê 民主受著嚴重 ê 威脅；看著受中國一國兩制統治 ê 香港，少年人今仔日愛按呢佮政府拚性命，咱若是連台灣 ê 主權攏顧袂牢，未來子孫連徛起 ê 所在嘛無底揣。
咱宜蘭未來 ê 發展，愛交予有新眼界 ê 世代來𤆬領，
予宜蘭 ê 少年人，揣會著好 ê 工課，感覺留佇故鄉有希望。
博萮認為，宜蘭做為東部 ê 門戶，愛做符合宜蘭價值 ê 產業升級，做教育、綠能、農業科技、長照科技研發 ê 園區。
毋通掠準講起一堆飯店、農舍、觀光工廠，就當作是佇咧發展觀光、「無煙筒管工業」，結果招來傷過濟 ê 觀光客，紮來窒車佮糞埽，共宜蘭變甲亂操操，房地產嘛予投資客炒甲少年人攏買袂起。
宜蘭會當做台灣地熱產業 ê 示範基地，透過「產學合作」創造「綠領新貴」，予宜蘭 ê 少年人會當佇故鄉食頭路，嘛會當提升咱宜蘭農漁畜產業 ê 附加價值，予逐家 ê 生活會當閣較快活，嘛予咱宜蘭人閣一擺感受著做一个宜蘭人 ê 驕傲。
懇請宜蘭 ê 民主前輩、鄉親序大予博萮機會佮逐家鬥陣拍拚，
予萬代 ê 宜蘭人，會當佇祖先留予咱這片美好 ê 土地繼續生湠。
氣候策略｜循環經濟｜保水護土｜農糧食安｜交通對策
勞權人權｜語平文資｜扶弱性平｜轉型正義｜台灣建國
📇【2020博萮政見懶人包】
🗳〖博萮2020參選宣言〗
💳〖政治獻金-線上捐款〗
💵〖政治獻金-實體帳戶〗
ℹ️ 〖宜蘭助英台〗臉書社團
