做陣共宜蘭 ê 黨外精神揣倒轉來！

 ◎孫博萮｜台澎代管區宜蘭縣議員宜蘭市選區獨立參選人

咱宜蘭這幾冬政壇事風風雨雨，尤其是自2018年選舉了後，就開始一直予外界訕笑，是按怎會選出這款只會曉逐工走攤 ê 縣長？宜蘭人敢有遮痟貪？候選人喝講「囡仔讀冊食飯免錢」就予人牽去？

閣較免講到今縣長因為涉貪去予檢察官起訴，宜蘭人過去引以為傲 ê 民主聖地竟然淪落至此，這款見笑代咱宜蘭人那會堪得吞忍？